Desiderata

"Camiña plácido entre o ruído e a présa,

e pensa na paz que se pode atopar no silencio.

En canto che sexa posible e sen renderte,
mantén boas relacións con todas as persoas.
Enuncia a túa verdade dun xeito sereno e clara,

e escoita aos demais,ata ao torpe e ignorante,

tamén eles teñen a súa propia historia.

Evita ás persoas ruidosas e agresivas,

xa que son un amolo para o espírito.

Se te  comparas cos demais,

volveraste van e amargado

pois sempre haberá persoas máis grandes
 e máis pequenas que ti.

Goza dos teus éxitos, o mesmo que dos teus plans.

Mantén o interese na túa propia carreira,

por humilde que sexa,

ela é un verdadeiro tesouro
no fortuíto cambiar dos tempos.

Se cauto nos teus negocios,

pois o mundo está cheo de enganos.

Mais non deixes que isto te volva cego
para a virtude que existe,

hai moitas persoas que se esforzan
por alcanzar nobres ideais,

a vida está chea de heroísmo.

Se sincero contigo mesmo,

en especial non finxas o afecto,

e non sexas cínico no amor,

pois no medio de todas as arideces e desenganos,

é perenne como a herba.

Acata docilmente o consello dos anos,

abandonando con donaire as cousas da mocidade.

Cultiva a firmeza do espírito para que te protexa
 das adversidades repentinas,

moitos temores nacen de fatiga e a soidade.

Sobre unha sa disciplina,

sé benigno contigo mesmo.

Ti es unha criatura do universo,

non menos que as árbores e as estrelas,

tes dereito a existir, e sexa que che resulte claro ou non,

sen dúbida o universo marcha como debe.

Por iso debes estar en paz con Deus,

calquera que sexa a túa idea del,

e sexan cales queiran os teus traballos e aspiracións,

conserva a paz coa túa alma na buliciosa confusión da vida.

Aínda con todas as súas farsas, penalidades e soños errados,

o mundo é aínda fermoso.

Se alegre,  fai un esforzo por ser feliz".

Max Ehrmann,

Versión en inglés

Historia do poema